César Fernández é outro dos gaiteiros máis representativos da comarca da Fonsagrada. Este home naceu hai 77 anos na aldea de Queixoiro, parroquia de Padrón, no Concello da Fonsagrada. Como poderán comprobar nas gravacións que achegamos, César é un digno gaiteiro, máis tamén é un dos derradeiros tocadores de trompa que nos quedan en Galicia, de aí que o seu interese como portador da nosa cultura tradicional sexa dobre.